1655

Алматы облысында 23 миллионға тұрғызылған тиіннің одан арзан сыңары пайда болды

Қазақ ұлттық аграрлық университетінің студенттері мен жас ғалымдар Алматы облысы, Қарасай ауданы, Алмалыбек ауылына алып тиін тұрғызды.
Фотография - Алматы облысында 23 миллионға тұрғызылған тиіннің одан арзан сыңары пайда болды Сурет: facebook/@kuat.ahmetjanov

Қазақ ұлттық аграрлық университетінің студенттері мен жас ғалымдар Алматы облысы, Қарасай ауданы, Алмалыбек ауылына алып тиін тұрғызды, деп хабарлайды Today.kz. Бұл туралы Facebook желісіндегі парақшалардың бірінде айтылды. 

Жастар өз туындыларының қасында тұрып видео жазып, 18 шілдеде жұртшылықты Алмалыбек ауылындағы "Алаң күніне" шақырған. 

"Біз агроғылым саласының жас ғалымдары Қазақ ұлттық аграрлық университетінің студенттерімен бірлесе отырып "Алаң күніне" шақырамыз. Бізге сабан бөлген "Қаскелең агропаркімен" бірлесіп осындай әдемі тиін тұрғыздық", – делінген видеода. 

Желіге тараған ақпарат бойынша, тиін 230 000 теңгеге тұрғызылған. 

Естеріңізге салайық, шілденің басында Алматыдағы "Атакент" көрме кешенінің алдына 23 миллион теңгеге сабаннан жасалған тиін тұрғызылған еді. Бұл әлеуметтік желі қолданушыларының қызу пікірталасын туғызды.