5341

Астананың жанындағы патша қорғанынан қыздың неке жүзігі табылды

Екі моладан әшекейлер табылды, оның ішінде қола сырға мен күміс жіп те бар. Ал қыздың қабірінен неке жүзігі табылды. Ол оны оң қолына киген.
Фотография - Астананың жанындағы патша қорғанынан қыздың неке жүзігі табылды Сурет: Астана қаласы мәдениет және спорт басқармасының баспасөз қызметі

Астана қаласы әкімдігінің бастамасымен елорданың жанындағы патша қорғанында қазба жұмыстары қолға алынды. Бұл қорған қазіргі заманғы мегаполистің аумағында сақ дәуірінде де тіршіліктің болғанына дәлел бола алады, деп хабарлайды Today.kz елорданың мәдениет және спорт басқармасының баспасөз қызметіне сілтеме жасап. 

Қазба жұмыстарын Гумилев атындағы Еуразия ұлттық университетінің Есіл археологиялық экспедициясы жүргізеді. Археологтар екі апта бойы тынымсыз еңбек етуде. Зерттеу жұмыстары барысында қорғанның жоғарғы қабатындағы бастапқы 7 қабір (яғни, ең ертедегі) ашылды. Жерлеу рәсімі бойынша зираттар 15-16 ғасырларға жатқызылды. Айта кетейік, олар мұсылман дәстүрімен жасалған. Екі моладан әшекейлер табылды, оның ішінде қола сырға мен күміс жіп те бар. Ал қыздың қабірінен неке жүзігі табылды. Ол оны оң қолына киген екен.

Қорған Қарағандыға баратын жолда Күйгенжар шатқалында орналасқан. Қазіргі кезде сақтар қорғанының шетінде қазақ зираты бар.

Таспен жабылған қорғанның биіктігі 4 м, диаметрі – 60 м. Оның гранит плиталары Нұра өзенінің жағасынан алынғаны белгілі.

Фото -

Фото -

Фото -

Фото -

Загрузка...