2648

Жасыбай көліне құйылып жатқан қара сұйықтық видеоға түсіп қалды

Instagram желісіне тарап кеткен видеодан Жасыбай көліне тұрба арқылы қара сұйықтықтың құйылып жатқанын көруге болады.
Фотография - Жасыбай көліне құйылып жатқан қара сұйықтық видеоға түсіп қалды Сурет: instagram/@poleznyi_ekibastuzets

Баянауыл ұлттық паркінің басшылығы Жасыбай көліне қара сұйықтық ағызған тұрбаның жоқ екенін мәлімдеді, деп хабарлайды Today.kz "Қазақпаратқа" сілтеме жасап. 

"Мен бірден белгі жібердім. Күзет және экология бөлімі барып көріп келді, бірақ ақпарат расталмады. Ол жақта тұрба да, ештеңе де жоқ. Ол жақта ештеңе жоқ", – деді Жасыбай көлі орналасқан Баянауыл мемлекеттік ұлттық паркінің директоры Сүйіндік Ахметжанов. 

Instagram желісіне тарап кеткен видеодан Жасыбай көліне тұрба арқылы қара сұйықтықтың құйылып жатқанын көруге болады. 

"Көлдің түбін қоқыстан тазарттық", – деді Павлодар облысы әкімінің баспасөз қызметі. 

Жасыбай көліне қара сұйықтық төгіп жатқан тұрбаның қасында "Кристалл" демалыс орны бар екені анықталды. 

Жасыбай көлі аса мұқият күзетілетін табиғат аймағында орналасқан. Ол туристер арасында ерекше сұлулығымен танымал.