3003

Маңғыстау облысы әкімінің орынбасары Серік Аманғалиев тұтқындалды

Аманғалиев мемлекеттік қызмет пен мемлекеттік басқаруға қарсы аса ауыр жемқорлық жасады деген күдікке ілінді.
Фотография - Маңғыстау облысы әкімінің орынбасары Серік Аманғалиев тұтқындалды Сурет ашық дереккөзден алынды

Маңғыстау облысы әкімінің орынбасары Серік Аманғалиев сот санкциясымен екі айға тұтқындалды, деп хабарлайды Today.kz облыстық соттың баспасөз қызметіне сілтеме жасап.

Аманғалиев мемлекеттік қызмет пен мемлекеттік басқаруға қарсы аса ауыр жемқорлық жасады деген күдікке ілінді. 

"Сыбайлас жемқорлыққа қарсы Ұлттық бюро қызметкерлері 3 қараша 18:40-та Ақтау халықаралық әуежайынан С.Қ. Аманғалиевті ұстады, одан 115 000 евро көлемінде ақша тәркіленді. Аталған дерек бойынша ҚР ҚК 366 бабы 3 бөлімі бойынша сотқа дейінгі тергеу басталды", – делінген хабарламада. 

Ақтау арнайы тергеу сотының бұйрығымен 5 қарашада Сыбайлас жемқорлыққа қарсы іс-қимыл Ұлттық бюросы Тергеу департаментінің Аманғалиев Серік Қалешұлына қатысты екі айға қамауға алу туралы өтініші қанағаттандырылды.