787

Бауыржан Байбек Алматының құрылысқа қолайлы үш ауданын атады

Мегаполис әкімі қалада қанша тұрғын бар екенін айтты.
Фотография - Бауыржан Байбек Алматының құрылысқа қолайлы үш ауданын атады Сурет ашық дереккөзден алынды

Алматы әкімі Бауыржан Байбек Almaty Invest инвестициялық форумында сөз сөйлеп, қазір қалада қанша адам тұратынын, қай аудандар құрылысқа қолайлы екенін айтты, деп хабарлайды Today.kz мегаполис әкімдігінің баспасөз қызметіне сілтеме жасап.

Әкімнің сөзінше, қазір оңтүстік астанада Қазақстанның 10 пайызы тұрып жатыр. 

"Алматы агломерациясымен бірге үш миллионға жуық. Халықаралық кеңесшілердің бағасы бойынша, 2035 жылы тұрғын саны екі есеге өседі деп жоспарланып отыр. Азаматтарды әлеуметтік инфрақұрылыммен полиорталықтық ұстаным бойынша қамтамасыз етуді мақсат етіп қойып отырмыз. Келесі жылдың басында қаланы даму мастер-жоспарының концепциясы ашық түрде жарияланатын болады. Әр тұрғын мен бизнес өкілі танысып, өз ұсынысын білдіре алады", – деді Байбек. 

Ол қалада құрылысқа қолайлы аймақтар анықталғанын айтты. 

Жер теліміне орай Түрксіб, Жетісу, Алатау аудандары құрылысқа қолайлы 

2018 жылы Алматыда екі миллион шаршы метрден көп тұрғын үй "7-20-25" бағдарламасының негізінде қолданысқа беріледі", – деді әкім. 

Одан бөлек, қалалық инфрақұрылым, қоғамдық көлік, транспорттық реформа, туризмнің дамуы сияқты мәселелер де күн тәртібінде тұр.