967

29 қаңтарға арналған ауа райы болжамы

Бұл туралы синоптиктер хабарлады.
Фотография - 29 қаңтарға арналған ауа райы болжамы Көрнекі сурет

"Қазгидромет" синоптиктері Қазақстанда 29 қаңтарда ауа райы қандай болатынын хабарлады, деп жазады Today.kz. Елдің көп бөлігінде күн ашық. Кей жерлерде тұман, көктайғақ, аздаған боран, қатты жел күтіледі, оңтүстікте шаңды дауыл соғуы мүмкін. 

Батыста, солтүстік-батыста, оңтүстікте ауа райы құбылмалы, фронталды бөліктердің өтуіне байланысты жауын жауады. 

Қызылорда, Жамбыл облыстарының кей жерлерінде тұман, көктайғақ күтіледі, жел секундына 15-20 метрге, 23-28 метрге дейін соғады. 

Ақтөбе облысының кей жерлерінде аздаған боран тұрады, жел секундына 15-20 метрге дейін күшейеді. 

Қостанай облысында таңертең көктайғақ күтіледі, кей жерлерде аздаған боран, жел секундына 15-20 метрге дейін жетеді, тұман түседі. 

Шығыс Қазақстан облысының кей жерлерінде аздаған боран, тұман болады, күндіз жел секундына 15-20 метрге дейін күшеюі мүмкін. 

Маңғыстау, Атырау, Батыс Қазақстан облыстарының кей жерлерінде тұман, көктайғақ болады. 

Солтүстік Қазақстан облысының кей жерлерінде тұман болады, күндіз жел секундына 15-20 метрге дейін күшейеді. 

Түркістан облысының кей жерлерінде шаңды дауыл тұрады, жел секундына 15-20 метрге дейін жетеді. 

Қарағанды облысының кей жерлеріне тұман түседі. 

Синоптиктер Ақтөбе, Қостанай, Қызылорда, Түркістан облыстарында дабылды ескерту жариялады.