1351

Әнші Гауһар Әлімбекова "Алаяқтық" бабы бойынша алты жылға сотталды

Алматы қаласы, Алмалы ауданының соты шығарған үкімнен кейін әншінің қолына кісен салынған.
Фотография - Әнші Гауһар Әлімбекова "Алаяқтық" бабы бойынша алты жылға сотталды Сурет ашық дереккөзден алынды

Әнші Гауһар Әлімбекова алты жылға сотталды, деп хабарлайды Today.kz 31 арнаға сілтеме жасап. 

Алматы қаласы, Алмалы ауданының соты шығарған үкімнен кейін әншінің қолына кісен салынған. 

Аталған телеарнаның хабарлауынша, отыз жыл сахнада жүріп ел ықыласына бөленген Гауһар Әлімбекова Бақыт Назарова есімді азаматшамен дос болған. 2013 жылы әнші құрбысынан "Ақкент" тұрғын үй кешенінен үй алып беремін деп 40 мың доллар қаражат алған. Бірақ уәдесін орындамаған. 

"Үмітімді соңғы кезге дейін үзбедім, кім қателеспейді? Қателігін мойындап, тәубесіне келетін шығар деп осы күнге дейін күтіп едім, жүзінен қазір байқап отырмын, қателігін мойындаудан аулақ", - деді Бақыт Назарова. 

Гауһар Әлімбекованың үстінен ҚР Қылмыстық Кодексінің 190 бабы "Алаяқтық" бойынша қылмыстық іс қозғалды. Сот әншіні кінәлі деп танып, алты жылға бас бостандығынан айырды.