1478

"Әлем барысы" Айбек Нұғымаров Семейдегі Көлік колледжін басқаратын болды

Айбек Нұғымаров жаңа қызметіне кірісіп кеткен.
Фотография - "Әлем барысы" Айбек Нұғымаров Семейдегі Көлік колледжін басқаратын болды Сурет ашық дереккөзден алынды

"Қазақстан барысы" әрі екі мәрте "Әлем барысы" атанған балуан Айбек Нұғымаров Семейдегі Көлік колледжінің директоры болып тағайындалды, деп хабарлайды Today.kz radio7.kz сайтына сілтеме жасап. 

Екі дүркін "Әлем барысын" облыстың білім басқармасына қарасты "Көлік колледжі" коммуналдық мемлекеттік қазыналық кәсіпорнының директоры қызметіне тағайындау аймақ басшысы Даниал Ахметовтың бұйрығымен жүзеге асқан. Балуанның сөзінше, басшылық қызметіне тағайындалғаннан кейін кәсіби қызметін тоқтатпақ емес. Республикалық, әлемдік деңгейдегі жарыстарға қатысуын жалғастырмақ.

"Колледждің 90 жылдық тарихы бар, мерейтойын атап өтпек. Мені бұл қызметке колледждің жетістіктерін толықтыру үшін тағайындады. Біздің мақсат – көшбастап тұрған оқу орындарының қатарына ілігу. Бүгінгі таңда аталған колледжде маңызды мамандықтар саласында жастар білім алуда. Колледжді аралап шықтық, түзетуге жатаын біраз дүниелер бар. Бұл ескі колледж болғандықтан, мұнда 60-70 жылғы жабдықтар. Біздің колледждің білім алушылары "Қазақстан барысы", "Евразия барысы", "Әлем барысы" сынды спорттық жарыстарға қатысқанын қалаймыз",- деді Айбек Нұғымаров.

Жаңа тағайындалған директор колледжді заманауи сапалы жабдықтармен қамтамасыз етіп, еліміздің алдыңғы қатарлы оқу орындарына қосуды көздейтінін жеткізді.