1244

Бұл – соңғы жеті жылдағы ең суық қыс – "Қазгидромет"

Қазақстанның бірнеше өңірінде күн күрт суытты.
Фотография - Бұл – соңғы жеті жылдағы ең суық қыс – "Қазгидромет" Көрнекі сурет

Қазақстанның бірнеше өңірі күрт суытты, деп хабарлайды Today.kz "Хабар 24" арнасына сілтеме жасап. 

Қыстың қытымыр мінезін, әсіресе, шығысқазақстандықтар қатты сезінген. Синоптиктар сол тұста мұндай аяздың соңғы рет 1976 жылы болғанын айтқан. 2011 жылы да ел шығысында ауа температурасы 40 градусқа төмендеген кездер болды. Бұл қыстың суық лебі оңтүстікке де әсерін тигізді. Одан кейін 2016 жылы Орталық және Шығыс Қазақстанда сынап бағанасы -40 градусты көрсеткен. Өткен жылы антициклон әсерінен ең суық ауа температусы -39-40 градус шамасында тіркелді. 

Айта кетерлігі, Астана әлемдегі ең суық елордалар үштігіне кіреді. Сәйкесінше, қатты жел мен бұрқасындар мұндағы аязды үдете түсетіні белгілі. 

Оңтүстікте -30 градус. Қатты аязбен бірге қар көшкіні, боран, тұман, көктайғақ келген. 

"Қазгидромет" осы қысты соңғы жеті жылдағы ең суық қыс деп бағалады. Өткен жылы қаңтар айында күн қатты суытқан еді. Термометр -38 градусты көрсеткен болады. 

"Республиканың солтүстік бөлігінде ауа температурасы -45 градусқа жетеді, бірақ -60 градус сияқты сезіледі. Оңтүстік облыстарда -40 градус болады", – деді "Қазгидромет" өкілдері. 


Загрузка...