1609

Астанада осы жылы мұғалімдерге 1000 тұрғын үй сертификаты беріледі

Бақыт Сұлтановтың сөзінше, 2019 жылы педагогтарға арналған 300 орындық жатақхана құрылысы аяқталады.
Фотография - Астанада осы жылы мұғалімдерге 1000 тұрғын үй сертификаты беріледі Сурет: otyrar.kz

Астана әкімі Бақыт Сұлтанов әкімдік 2019 жылы педагогтарды қолдау мақсатында мұғалімдерге 1000 тұрғын үй сертификатын беруді жоспарлап отырғанын айтты, деп жазады Today.kz

Ол өткен жылы қала 100 тұрғын үй сертификатын бөлгенін айтты, олар бюджет саласының қызметкерлеріне: мұғалімдерге, дәрігерлер мен полицияларға бөлінген. 

"Педагогикалық жоғары оқу орындары қазіргі таңда аса танымал емес екені рас. Мұғалім жұмысы өте қиын әрі табысы да аз. Сондықтан мұғалімдердің статусы мен жалақыларын жүйелі түрде көтеру шешімі қабылданды", – деп мәлімдеді Сұлтанов. 

Астана әкімі алдағы уақытта білім беру саласына жеке бизнес пен жеке мектептер тартылуы мүмкін екенін айтты. 

Сұлтановтың сөзінше, 2019 жылы педагогтарға арналған 300 орындық жатақхана құрылысы аяқталады.