1664

1 наурызға арналған ауа райы болжамы

Бұл туралы синоптиктер хабарлады.
Фотография - 1 наурызға арналған ауа райы болжамы Көрнекі сурет

1 наурызда Қазақстанның көп бөлігінде жауын болады. Елдің кей жерлерінде тұман, көктайғақ, боран, қатты жел күтіледі, деп хабарлайды Today.kz "Қазгидрометке" сілтеме жасап. 

Алматы облысы Жалаңашкөл ауданы аумағында жел секундына 29 метрге дейін күшейеді. 

Шығыс Қазақстан облысында аздаған боран, тұман, көктайғақ болады, Жарма ауданында жел секундына 25 метрге дейін күшейеді. 

Ақмола облысында аздаған боран соғады, жел екпіні секундына 20 метр болады. 

Жамбыл облысының кей жерлерінде тұман болады, жел секундына 15-20 метрге дейін күшейеді. 

Түркістан облысының кей жерлерінде найзағай ойнауы мүмкін, 20 метр секундқа дейін жететін қатты жел соғады. 

Атырау, Батыс Қазақстан, Қызылорда, Маңғыстау облыстарында тұман, көктайғақ болады. 

Ақтөбе, Қостанай, Қарағанды облыстарында тұман, аздаған боран, көктайғақ болады, жел секундына 18-20 метрге дейін екпіндетеді. 

Солтүстік Қазақстан, Павлодар облыстарына тұман түседі.