2004

19 наурызға арналған ауа райы болжамы

Бұл туралы синоптиктер айтты.
Фотография - 19 наурызға арналған ауа райы болжамы Көрнекі сурет

Синоптиктер Қазақстанда 19 наурызда ауа райы қандай болатынын айтты. Ауа райы болжамына сәйкес, оңтүстікте, оңтүстік-шығыста атмосфераның фронталды бөліктерінің өтуіне орай жауын-шашын болады. Республиканың басқа аумақтарында тұман, көктайғақ, қатты жел күтіледі, оңтүстікте найзағай ойнауы мүмкін, деп хабарлайды Today.kz.

Түркістан, Қызылорда облыстарының кей жерлерінде жел секундына 15-20 метрге, 25 метрге дейін күшейеді. 

Ақтөбе облысында тұман, көктайғақ болады, түнде жел секундына 15 метрге дейін күшейеді. 

Маңғыстау, Алматы облыстарында жел жылдамдығы секундына 15-22 метр болады. 

Ақмола, Атырау, Қостанай, Солтүстік Қазақстан, Павлодар, Жамбыл, Батыс Қазақстан, Қарағанды облыстарында, түнде және таңертең Шығыс Қазақстан облыстарында тұман болады. Батыс Қазақстан облысында көктайғақ күтіледі, Жамбыл, Қарағанды облыстарында жел жылдамдығы секундына 15-20 метрге жетеді. 

"Қазгидромет" Түркістан, Қызылорда, Қарағанды облыстарында дабылды ескерту жариялаған еді.