2238

Келіншек үш баласын өз қолымен тараздық келіншекке өткізіп берді

Бұл туралы КТК арнасының "Астарлы ақиқат" бағдарламасында баяндалды.
Фотография - Келіншек үш баласын өз қолымен тараздық келіншекке өткізіп берді Сурет: youtube арнасынан скриншот

Қапиза Шумаева есімді келіншек үш баласын көз алдында өзге біреуге табыстады, деп жазады Today.kz

Бұл туралы КТК арнасының "Астарлы ақиқат" бағдарламасында баяндалды. Келіншек балаларын жетімдер үйіне тапсыра алмай жүргенін мәлімдеді.

"Шаршап кеттім жалғыз өзім үш баланы сүйреп. Он екі жыл болды Алматыда пәтерден пәтерге қаңғып жүргеніме. Күнде ішем. Үш балам үш түрлі әкеден туылған. Әкелері біледі", - деді Қапиза Шумаева. 

Келіншектің сөзінше, балаларды әкелері де тәрбиелеуден бас тартқан. 

"Әкелері жаны ашымаса, мен де неге жаным ашуым керек? Мен де қатыгез болып бара жатырмын", - деді Шумаева. 

Бағдарлама барысында келіншек Зульфия Төленова есімді он алты бала тәрбиелеп отырған тараздық келіншекке үш баласын уақытша берді.