670

Апта сайын проблемалы көппәтерлі үйлерді аралаймын – Алтай Көлгінов

Елорда әкімі Алтай Көлгінов үлескерлік құрылыстың проблемалы нысандарын аралады.
Фотография - Апта сайын проблемалы көппәтерлі үйлерді аралаймын – Алтай Көлгінов Сурет: astana.gov.kz

Елорда әкімі Алтай Көлгінов үлескерлік құрылыстың проблемалы нысандарын аралады, деп хабарлайды Today.kz әкімдіктің ресми сайтына сілтеме жасап. 

Аралау кезінде әкім нысандардың құрылыс барысымен танысып, тұрғын үй кешендерінің үлескерлерімен әңгімелесті. Әкім Ы. Дүкенұлы, А. Панфилов, Ш.Уәлиханов көшелерінің қиылысындағы  құрылысы жүріп жатқан "Гарант" КТК нысанын аралап шықты. Жалпы ауданы 17,602,80 шаршы метр болатын 330 пәтерге есептелген проблемалы нысанның құрылысы "Азбука жилья" компаниясының тобымен 2011 жылы басталған болатын. Құрылысты аяқтау үшін 2016 жылы нысан "Орда Инжиниринг" ЖШС-ға өткізілді. Үлескерлердің жалпы саны – 168 адам. Нысанды 2020 жылдың сәуір айында пайдалануға беру жоспарланып отыр. 

Фото -

"Әр апта сайын бір-екі проблемалы көппәтерлі тұрғын үйлерді аралап тұрамын. Жоспарлы кесте түзілді. Құрылыстың аяқталу процесін және созылып кеткен үлескерлер мәселесінің түбегейлі шешімін табуды бақылауда ұстаймын" - дедi әкім. 

Сондай-ақ, әкім Шұбар тұрғын алабының Қалқаман және Наркескен көшелерінің қиылысында орналасқан  "Комфорт de Luxe" ТК құрылыс алаңына барды. Жалпы ауданы 15 734,50 шаршы метр болатын 216 пәтерге арналған тұрғын үй кешенінің құрылысы 2012 жылы басталған. Бұл нысан бойынша үлескерлердің жалпы саны – 227 адам. Құрылысты 2019 жылдың желтоқсанында аяқтау жоспарланып отыр.