632

Қазақстанның бірнеше өңірінде 9-11 шілдеде күн қатты ысытады

Бұл туралы синоптиктер айтты.
Фотография - Қазақстанның бірнеше өңірінде 9-11 шілдеде күн қатты ысытады Көрнекі сурет

Қазақстанның бірнеше өңірінде қатты ыстыққа байланысты дабылды ескерту жарияланды. Термометр бағаны 41 градусқа дейін көтеріледі, деп хабарлайды Today.kz "Қазгидрометке" сілтеме жасап.

9 шілдеде Қызылорда, Шығыс Қазақстан, Атырау, Жамбыл облыстарында қатты ыстық болады. 

Қызылорда облысында солтүстік, солтүстік-шығыс желі 15-20 метр секунд жылдамдықпен соғады, 41 градус ыстық. 

Шығыс Қазақстан облысында күндіз ауа райы 36 градус ыстық болады. 

Атырау облысында 35-38 градус ыстық болады. 

9 шілдеде Жамбыл облысының кей жерлерінде 39 градусқа дейін ыстық болады, 10-11 шілдеде 41 градус ыстық күтіледі. 

Ақтөбе және Қарағанды облыстарында да 10-11 шілдеде күн қатты ысиды. 

Ақмола облысында 10-11 шілдеде 35-38 градус ыстық болады.