"СК-Фармация" экс-басшысына тағылған айыптау бабы өзгертілді

Жуырда "СК-Фармация" бұрынғы басшысының ісі сотқа жіберіледі. Бұл туралы ҚР Сыбайлас жемқорлыққа қарсы іс-қимыл агенттігінің Төрағасы Алик Шпекбаев мәлімдеді, деп хабарлайды Today.kz тілшісі "ҚазАқпарат" ХАА-ға сілтеме жасай отырып.

"Тергеу аяқталды. Жақын арада іс сотқа жіберіледі. Сот қандай жаза кесу керектігін анықтайды. Қазір адвокаттар бірқатар сұрақтар әзірлеуде", - деп жауап берді Алик Шпекбаев журналистердің сұрақтарына.

Оның айтуынша, "СК-Фармацияның" бұрынғы басшысы бұрын лауазымдық міндеттерін асыра пайдаланды деп айыпталған, ал қазір - немқұрайлылық таныту  бабы бойынша айыпталуда.