http://www.today.kz http://www.today.kz/kz/news/world/2013-05-21/41203 Ондағы бағалы металл қоры 53 тоннаға жуық Tue, 21 May 2013 18:01:00 +0600 Қытайдың солтүстік-батысындағы Шыңжан-Ұйғыр автономдық ауданында аса ірі алтын кені табылды. Ондағы бағалы металл қоры 53 тоннаға жуық, деп жазады ИТАР-ТАСС. Кен орны Синьюань уезіндегі ойпатта орналасқан. Геология және минералдық ресурстар жөніндегі аймақтық басқарма басшысы Цзэн Сяоганның сөзіне қарағанда, оның экономикалық құндылығы шамамен 20 млрд юаньге тең (3,2 млрд доллар). 2015 жылдан бастап жылына 3 тонна алтын өндіріле бастайды.   bnews.kz сайтынан http://www.today.kz/kz/news/life/2013-05-21/41202 Қазақтың өршіл мінезді ұлы, ақберен батыр, ақиық ақын Махамбет Өтемісұлына деген атыраулықтардың ыстық ықыласының көрінісіндей болып тұрған алып та сәулетті мазардың Қаройда бой көтергеніне 18 жылға таяды. Содан бері мазардың айналасы жылма-жыл көркейтіліп, қоршалып, абаттандырылғаны болмаса, оның тұла бойына реставратордың қолының ұшы тиген жоқ-ты. Tue, 21 May 2013 17:46:00 +0600 Қазақтың өршіл мінезді ұлы, ақберен батыр, ақиық ақын Махамбет Өтемісұлына деген атыраулықтардың ыстық ықыласының көрінісіндей болып тұрған алып та сәулетті мазардың Қаройда бой көтергеніне 18 жылға таяды. Содан бері мазардың айналасы жылма-жыл көркейтіліп, қоршалып, абаттандырылғаны болмаса, оның тұла бойына реставратордың қолының ұшы тиген жоқ-ты. Енді міне, елімізде жарияланған «Мәдени мұра» бағдарламасына сай республикалық маңызға ие қорықты жөндеуге арнайы қаржы бөлініп, табиғаттың ыстық-суығы, жел мен ызғарының өтінде тұрған ақ мәрмәр мазардың бірқатар жеріне қалпына келтіру жұмыстары жүргізіле бастады. Бұл жұмыстарды «Қазреставрация» РМК Батыс Қазақстан облысындағы филиалының мамандары жүргізіп жатыр. «Біз Махамбет бабамыздың 210 жылдығы қарсаңында басталып отырған бұл қалпына келтіру жұмыстарын 20 сәуірден бері жүргізіп жатырмыз. Алдымен 600 шаршы метр аумақты алып жатқан мазардың маңы мен қоршауы ішіндегі төселген тастарды алып, сынғандарын ауыстырып, қиыршық топырақ төсеп, 8 сантиметрдей көтереміз. Әйтпесе, салынғаннан бергі уақытта алаңның бірқатар жерінің тастары сынып, төмендеп кеткен екен. Сондай-ақ  Махамбет батырдың жанында болған 14 батырдың есімі жазылған белгілерді де маңғыстаулық әк тастармен түгел ауыстыратын боламыз. Оған арнайы тапсырыс беріліп, бір маманымыз сол жаққа кетті. Қоршаудың іргелері де қайтадан бекітіліп, тегістеліп, сынған жерлері жалғанып, сырланатын болады. Сонымен қатар ескі қауымның айналасындағы қоршау да ретке келтіріледі. Ал мазардың іші-сыртындағы әр тұсындағы жарылған, бүлініп, сарғайған, түсіп қалған жерлері мұқият тексеріліп, жөнделеді, арнайы төзімді әкпен әрленеді. Оған арнайы осындай ерекше құрылыстарға арналған қоспаларды пайдаланатын боламыз. Жалпы біз мазарды әуел бастағы қалпына келтіруді көздеп отырмыз. Мұндай ел жадында мәңгілікке қалған азамат ақынның мазарын жөндеп, қалпына келтіру жұмыстарын атқару бізге тапсырылғанын өзімізге үлкен абырой санаймыз,-деді осы жұмыстардың басы-қасында жүрген маман Сансызбай Сұлтанов. Сонымен қатар осы  Жарсуат округіне қарасты қыстақ орындарында отырған Қ. Естаев пен С.Өтепқалиев сынды азаматтардың көмектеріне ризашылығын білдірді. Бастысы, батыр-ақынның 210 жылдығы қарсаңында мазар мен оның айналасы тағы бір жаңарып, абаттандырылып, жасыл желегі Қаройдың маң даласына сән беретін орынға айналғаны керек бізге. Ерлік мекенінің еңсесі де биік тұрғанына не жетсін шіркін. http://www.today.kz/kz/news/kazakhstan/2013-05-21/41201 14 жылға сотталған Владислав Челахтың адвокаты Серік Сәрсенов үкімге қарсы кассациялық шағымын түзетіп, бүгін екінші рет берді деп хабарлайды ақпарат агенттіктері. Tue, 21 May 2013 17:31:00 +0600 14 жылға сотталған Владислав Челахтың адвокаты Серік Сәрсенов үкімге қарсы кассациялық шағымын түзетіп, бүгін екінші рет берді деп хабарлайды ақпарат агенттіктері. Сәрсенов алғашқы кассациялық шағымды 26 сәуірде берген. Бірақ оны мамандандырылған ауданаралық сот мәтінде "Құраннан үзінділер келтірілген" деп кері қайтарған. Адвокат бұдан соң шағым мәтінінен ол үзінділерді алып тастап, қайта өткізіп отыр. 2012 жылы мамырдың 30-ы күні Арқанкерген шекара заставасы толығымен өртеніп, 14 шекарашы мен бір қорықшы барлығы 15 адамның мәйіті табылған еді. Бұл қылмысқа қатысты тірі қалған жалғыз шекарашы - 19 жастағы Владислав Челах айыпты деп танылып, өмір бойы бас бостандығынан айыру жазасына кесілген. http://www.today.kz/kz/news/kazakhstan/2013-05-21/41200 Ертең, 22 мамырда Астанада шетел инвесторлары кеңесінің жиыны өтеді. Tue, 21 May 2013 17:16:00 +0600 Сейсенбіде президент Нұрсұлтан Назарбаев Еуропаның ғарыш және авиация саласындағы бірқатар компаниялары басшыларымен кездесті. Президент Еуропа Аэроғарыш және қорғаныс концернінің (EADS) президенті Томас Эндерс, концерннің халықаралық байланыстар бойынша бас атқарушы директоры Жан-Пьер Таламони, "Эйрбас" компаниясының атқарушы директоры Джон Лихи және "EADS Қазақстан" компаниясының атқарушы директоры Сильвер Дэлонмен кездескен. Кездесуде Нұрсұлтан Назарбаев Қазақстанның бұл компаниялармен аэроғарыш саласындағы ынтымақтастығы "жақсы дамып келе жатқанын" айтқан. Ал компаниялар басшылары қазақстандық әріптестерімен "өзара табысты жұмыс істеп жатқанын" білдірген. EADS - аэро ғарыш саласындағы ірі корпорация. Ал "Эйрбас" компаниясы жолаушы, жүк тасымалдайтын және әскери ұшақтар жасаумен айналысады. Ертең, 22 мамырда Астанада шетел инвесторлары кеңесінің жиыны өтеді. http://www.today.kz/kz/news/world/2013-05-21/41199 Америкалық Оклахома штатындағы қатты торнадоның салдарынан кем дегенде 91 адам қаза болды. Бұл туралы Оклахома-Сити сот-медициналық сараптама басқармасының өкілі Tue, 21 May 2013 17:06:00 +0600 Америкалық Оклахома штатындағы қатты торнадоның салдарынан кем дегенде 91 адам қаза болды. Бұл туралы Оклахома-Сити сот-медициналық сараптама басқармасының өкілі Бұдан бұрын өмірі қиылған 55 адам жайында жарияланған еді. АҚШ президенті Барак Обама Оклахомада стихиялық апат тәртібін енгізу жайында жариялады, бұл өз кезегінде зардап шеккендерге федералдық бюджеттен көмек жасауға кепілдік береді. Оклахоманың вице-губернаторы Тодд Лэмбтың хабарлауынша, құрбан болғандардың арасында 20 бала бар. Олардың кейбірі бастауыш мектеп ғимараты құлау кезінде қаза болды. Іздестіру шаралары арнайы үйретілген иттердің көмегімен жүріп жатыр. Торнадо кезінде желдің күші 320 шақырым/сағатқа жеткен көрінеді. http://www.today.kz/kz/news/science/2013-05-21/41198 Ғалымдар алкогольді сусындардың құрамын зерттей келе олардың адамдарға ең зиянды бес түрін анықтап шығарды. Tue, 21 May 2013 16:51:00 +0600 Ғалымдар алкогольді сусындардың құрамын зерттей келе олардың адамдарға ең зиянды бес түрін анықтап шығарды. Диетолог мамандардың айтуынша, адам денсаулығына үлкен зала тигізетін алкоголь сыра екен. Оны ішкен кезде адам ағзасындағы дофамин гормоны (ләззат алу гормоны) көп бөлініп, сыраға тәулділігі арта түседі. Ал, аталған сусынды үздіксіз пайдаланған жандар маскүнемдікке шалдығады. Зиянды сусындар тізімінің екінші орнында аққайнар (шампан) тұр. Ғалымдар оның аз ғана бөлігінің өзі адам бауырына үлкен зиянын тигізеді дегенді айтып отыр. Сондай-ақ, аққайнар асқазан мен ішектегі тағамдарды шірітіп те жібереді екен. Салдарынан оны ішкен адам жиі уланып жатады дейді ғалымдар. Аталған тізімнің үшінші орнында құрамында қанты көп ликер, төртінші орында шарап және бесінші орында алкогольді коктейльдер бар. http://www.today.kz/kz/news/kazakhstan/2013-05-21/41197  Астананың 15 жылдығын меркелеу аясында қала тұрғындары мен қонақтарына ондаған іс-шаралар әзірленуде. Олардың бірінен-бірі өтеді. Осындай арнайы жобалардың бірі Астананың 15 жылдығына тарту ретінде әзірлеген "Әуе жыландары" фестивалі, деп хабарлайды елорданың ресми сайты. Tue, 21 May 2013 16:35:00 +0600  Астананың 15 жылдығын меркелеу аясында қала тұрғындары мен қонақтарына ондаған іс-шаралар әзірленуде. Олардың бірінен-бірі өтеді. Осындай арнайы жобалардың бірі Астананың 15 жылдығына тарту ретінде әзірлеген "Әуе жыландары" фестивалі, деп хабарлайды елорданың ресми сайты. «Әуе жыландары" фестивалі бұл қала халқы үшін мерекеге арнайы дайындалған қызықты да маңызды іс-шара бағдарламасы. Екінші сөзбен айтқанда, ол ЭКСПО-2017 мазмұнында энергия көзіне балама ретінде «жасыл экономика» ұстанымын қолдау мен жетілдірудің негізі болып табылады. Астананың болашақ энергиясына талпынысының бір нышаны»,- деп атап көрсетеді Астана күнін өткізуді ұйымдастырушылар. Фестиваль қалың көпшілікке арналған. Астана тұрғындары мен қонақтарына таза ауада уақыттарын мазмұнды да көңілді өткізуіне мүмкіндік туғызады. Мұндай фестивальдер әлемнің түрлі елдерінде жыл сайын өтіп тұрады. Мәселен, Францияда, Ұлыбританияда, Данияда, Қытайда, Ресейде, Малазияда және басқа мемлекеттерде өткен. 5,6,7 маусымда үш күн бойы өтетін фестиваль аясында қала тұрғындары мен қонақтары шетелдік кайтинг клубтар өкілдері арнайы әзірленген шоу бағдарламасын көре алады. Сонымен қатар, барлық тілек білдірушілер әуеге өздері әзірлеген жылан-шарларын ұшыра алады. Арнайы бөлінген аймақта жұмыс орындарымен жарақтандырылған жабық шатырларда маман-нұсқаушылар балалар мен ересектерді әуе жыландарын әзірлеуге үйретеді. Керекті материалдар сол жерде беріледі. Осыдан кейін нұсқаушы мерекеге қатысушыларға әуеге жылан жіберу жөнінде шеберлік дәрісін өткізеді. Фестиваль ресейлік және әлемдік эстрада жұлдыздарының қатысуымен өтетін үлкен Гала-концертпен аяқталады. http://www.today.kz/kz/news/kazakhstan/2013-05-21/41196 20 мамырда тестілеудің өткен қорытындысы бойынша 167 кандидаттың 92-сі Қазақстан Республикасының заңнамасын білуіне тестілеуді табысты тапсырды. Tue, 21 May 2013 16:20:00 +0600 20 мамырда тестілеудің өткен қорытындысы бойынша 167 кандидаттың 92-сі Қазақстан Республикасының заңнамасын білуіне тестілеуді табысты тапсырды. Заңнаманы білуіне шекті мәннен 75 кандидат немесе тестілеуге қатысушылардың жалпы санынан 44 % өтпеді. Заңнаманы білуіне тестілеуден өткен кандидаттар жеке және басқарушылық құзыреттерін (әдептілік, коммуникативтілігі, бәсекеге бағдары және сапаға бағдарын) анықтау тестіне жіберілді. Екінші күні кандидаттар логикалық вербальды емес тесттен (Равенна кестесі) және мемлекеттік тілді білуіне тесттен (ҚАЗТЕСТ) өтеді. Тестілеу кестесі, нормативтік-құқықтық актілер тізбесі, сондай-ақ "А" корпусының кадр резервіне іріктеу ережесі Агенттіктің www.kyzmet.gov.kz интернет-ресурсында орналастырылған. Бұдан ерте хабарланғандай, кандидаттар Қазақстан Республикасының заңын білуіне он компьютерлік тестілеуден өтеді. Бұл ретте шекті деңгейді еңсеру үшін кандидаттар әрбір заң бойынша мүмкін болатын 10 сұрақтың 7-не дұрыс жауап беруі қажет. Айта кетейік, кандидаттарды тестілеу 15 мамырдан бері жүріп жатыр. Жалпы  «А» корпусының кадр резервіне 2024 кандидаттан, олардың арасында мемлекеттік қызмет атқаратын да мемлекеттік қызмет атқармайтын да кандидаттардан құжаттар түсті.   http://www.today.kz/kz/news/science/2013-05-21/41195  Хорват ғалымдары араларға иіс арқылы елде 1900 жылдардағы қарулы қақтығыстан қалған жарылмаған миналарды іздеуді үйретті. Tue, 21 May 2013 16:05:00 +0600  Хорват ғалымдары араларға иіс арқылы елде 1900 жылдардағы қарулы қақтығыстан қалған жарылмаған миналарды іздеуді үйретті. Загреб университетінің профессоры Никола Кежичтің сөзіне қарағанда, иістерді ажыратуда аралар иттерден кем түспейді. Мұны өткізілген тәжірибе де дәлелдеді. Ғалымдар аралардың дәстүрлі азықтарына аздап тротил қосып отырған. Нәтижесінде олар миналарды және өзге де жарылғыш заттарды  іздей бастаған. http://www.today.kz/kz/news/kazakhstan/2013-05-21/41194 Бұл туралы ол Үкімет отырысында айтты Tue, 21 May 2013 15:50:00 +0600 Премьер-Министр Серік Ахметовтің пайымынша, көлік жолдарының жағдайын тиісті деңгейде ұстау үшін оларды ақылы ету керек. Бұл туралы ол Үкімет отырысында айтты. «Автомобиль саласын реформалау үшін бізге төлем ақысын енгізу керек. Себебі, төлемді енгізбей автокөлік жолдарын күтіп ұстауды бірде-бір бюджет көтере алмайды. Атап айтқанда, бұл тұрғыда жергілікті, сондай-ақ республикалық бюджетке де қиын түседі»,-деді Үкімет басшысы. http://www.today.kz/kz/news/world/2013-05-21/41193 Иранның конституциялық қадағалау кеңесі президент сайлауына түсетін үміткерлер тізімін сейсенбіде ішкі істер министрлігіне тапсырмақ Tue, 21 May 2013 15:35:00 +0600 Иранның конституциялық қадағалау кеңесі президент сайлауына түсетін үміткерлер тізімін сейсенбіде ішкі істер министрлігіне тапсырмақ. Ал министрлік ол тізімді екі күннің ішінде көпшілікке жариялайды. Иранда президент сайлауына кім қатысатынын конституциялық қадағалау кеңесі шешеді. Қадағалау кеңесі мақұлдаған үміткерлер тізім жарияланған соң 14 маусымдағы президент сайлауына дайындықты бастайды. Дүйсенбіде қадағалау кеңесінің өкілі "денсаулығы нашар үміткерлерге сайлауға қатысуға тыйым салынуы мүмкін" деген еді. Кейбір сарапшылар "денсаулық жағдайы" бұрынғы президент, 78 жастағы Али Акбар Хашеми Рафсанджаниді сайлаудан ығыстырудың бір амалы болуы мүмкін деп санайды. Ал Рафсанджанидің қарсыластары - консервативтік саяси топ өкілдері оны "ел басқаратын жастан өтіп кетті" дейді. http://www.today.kz/kz/news/sport/2013-05-21/41192 Соңғы жылдары Қазақстанның балуандары Дағыстанға жиі ат басын бұрып жүр. Оның себебі белгілі. Өйткені Ресей Федерациясының құрамындағы шағын ғана республикада спорттың бұл түрі керемет дамыған. Мықты бапкерлік мектеп қалыптасып, жеңіспен өрілген тамаша дәстүр бар. Tue, 21 May 2013 15:19:00 +0600 Соңғы жылдары Қазақстанның балуандары Дағыстанға жиі ат басын бұрып жүр. Оның себебі белгілі. Өйткені Ресей Федерациясының құрамындағы шағын ғана республикада спорттың бұл түрі керемет дамыған. Мықты бапкерлік мектеп қалыптасып, жеңіспен өрілген тамаша дәстүр бар. Таяуда еркін күрестен Қазақстан ұлттық құрама командасы Дағыстанға аттанып, Махачкала шаһарындағы Олимпиадалық даярлау орталығында оқу-жаттығу жиынын бастады. Соңғы жылдары Қазақстанның балуандары Дағыстанға жиі ат басын бұрып жүр. Оның себебі белгілі. Өйткені Ресей Федерациясының құрамындағы шағын ғана республикада спорттың бұл түрі керемет дамыған. Мықты бапкерлік мектеп қалыптасып, жеңіспен өрілген тамаша дәстүр бар. Аталмыш елдің өкілдері Олимпиада ойындары мен әлем чемпионаттарында үнемі мол олжаға кенеліп жүр. Көптеген аса ірі халықаралық жарыстарда жасындай жарқырауда. Олар тек Ресей ғана емес, өзге де мемлекеттердің туы астында өнер көрсетіп, керемет көрсеткіштерге қол жеткізуде. Міне, осы жайттың барлығын қаперге алған Қазақстан күрес федерациясының басшылары өз өрендерін Дағыстанға аттандыруды әдетке айналдырды. Махачкалада жерлестеріміз екі апта жаттығады. Бұл елде бізден бөлек, Түркия, Қырғызстан, Әзірбайжан, Белоруссия, Польша және Венгрия құрамалары да даярлануда. Одан кейін Руслан Өмірәлиев пен Асқар Абдрешевтің шәкірттері 25-26 мамыр аралығында өтетін Әли Әлиевті еске түсіруге арналған халықаралық турнирде бақ сынайды.  http://www.today.kz/kz/news/kazakhstan/2013-05-21/41191 Жеке үлгісімен және бағындырған биіктерімен Отанға деген сүйіспеншіліктері мен шын берілгендігін паш еткен Жамбыл облысы тұрғындарының қатарына Қарулы Күштердің офицері «Оңтүстік» өңірлік қолбасшылығы әскери бөлімдері бірінің командирі полковник Алексей Қалижанов енді Tue, 21 May 2013 15:04:00 +0600 Жеке үлгісімен және бағындырған биіктерімен Отанға деген сүйіспеншіліктері мен шын берілгендігін паш еткен Жамбыл облысы тұрғындарының қатарына Қарулы Күштердің офицері «Оңтүстік» өңірлік қолбасшылығы әскери бөлімдері бірінің командирі полковник Алексей Қалижанов енді. Бұл Тараз қаласында өткен «Елімнің тағдыры менің тағдырым!» атты патриоттар форумының шеңберінде жарияланды. Түрлі номинацияларда дәрігерлер мен мұғалімдер, спортшылар мен жұмысшылар, кәсіпкерлер наградталды. Қарулы Күштердің өкілі «Сүйем сені, менің Қазақстаным» атты номинацияда лайықтылардың қатарына енді. Полковник Қалижанов взвод командирлігіне Қазақстан Қарулы Күштерінің ең үздік бригадасының командиріне дейінгі жолды жүріп өтті. Наградаларды табыс ету рәсімінде осы офицердің басқаруымен оған сеніп тапсырылған жеке құрам «Өзара іс-қимыл-2009», «Бейбіт миссия-2010» командалық-штабтық оқу-жаттығуларында өздерін үздік танытып, қазіргі уақытта Отанымыздың игілігі үшін өз жауынгерлік әзірліктерін нығайтуды жалғастыруда деп атап өтілді. Номинантқа сыйлық табыс еткен запастағы генерал-майор Әлихан Жарболов барша іс-шараның Елбасымыздың Қазақстанды қуатты  әрі гүлденген ел ету тек нағыз патриоттың қолынан келеді деген сөздерімен үйлесім тапқанын атап өтті. http://www.today.kz/kz/news/life/2013-05-21/41190  Биыл «Батыс Еуропа - Батыс Қытай» халықаралық көлік дәлізінің тағы 806 шақырымы тапсырылады. Tue, 21 May 2013 14:49:00 +0600  Биыл «Батыс Еуропа - Батыс Қытай» халықаралық көлік дәлізінің тағы 806 шақырымы тапсырылады. Бұл туралы бүгін Үкімет отырысында ҚР Көлік және коммуникация министрі Асқар Жұмағалиев мәлім етті. «Халықаралық дәліздің 915 шықырымы көлік қозғалысы үшін ашылды, 806 шақырымы биыл тапсырылады»,-деп нақтылап өтті ведомство басшысы. Сонымен қатар министр «Алматы-Қорғас», «Шымкент-Жамбыл облысы шекарасы», «Ташкент-Шымкент» учаскелерінде 483 шақырым аралықта құрылыстар басталатынын жеткізді.   http://www.today.kz/kz/news/kazakhstan/2013-05-21/41189 Бұл туралы бүгін журналистерге берген сұхбатында ҚР Білім және ғылым вице-министрі Мұрат Әбенов мәлімдеді. Tue, 21 May 2013 14:34:00 +0600 ҚР Білім және ғылым вице-министрі Саят Шаяхметовтің қандай айыбы бар екенін сот шешетін болады. Бұл туралы бүгін журналистерге берген сұхбатында ҚР Білім және ғылым вице-министрі Мұрат Әбенов мәлімдеді. «Барлық ақпарат министрліктің сайтында жарияланды. Ендігі ретте соттың әділ шешімін күтеміз. Мамырдың 8-інде ол вице-министр лауазымынан босатылып, басқа жұмысқа ауысқан болатын. Бірақ қандай жұмысқа ауысқанын білмеймін. Бізде бақылау қажетті деңгейде жүргізіледі. Шаяхметовтың кінәсін сот анықтайтын болады»,-деді вице-министр Әбенов. Естеріңізге сала кетейік, 20 мамырда ҚР Экономикалық қылмысқа және сыбайлас жемқорлыққа қарсы күрес агенттігі "Білім және ғылым вице-министрі Шаяхметов мемлекет қаржысын талан-таражға салды деген күдікпен ұсталды" деген ақпарат таратқан еді. http://www.today.kz/kz/news/world/2013-05-21/41188 Риос Монтт өзіне тағылған айыпты жоққа шығарады. Tue, 21 May 2013 14:19:00 +0600 Гватемала конституциялық соты елдің бұрынғы президенті Эфраин Риос Монтқа шыққан сот үкімін қайта қарауға шешім қабылдады деп хабарлайды Reuters агенттігі. Бұрынғы диктатор, 86 жастағы Риос Монтт "геноцид ұйымдастырды" деп айыпталып, биыл 10 мамырда 80 жылға сотталған еді. Бірақ конституциялық сот дүйсенбіде кейбір апелляциялық мәселелер туындағанын айтып, сотты 19 сәуірдегі отырысынан қайта бастау керек деген шешім шығарған. Сот енді қашан жалғасатыны белгісіз. Риос Монтт Гватемалада 1960-1996 жылдары болған азаматтық соғыс кезінде жергілікті ұлт өкілдеріне жасалған геноцидке қатысы бар деп айыпталған. Ол 1982 жылы билікті басып алып, 1983 жылға дейін ел басқарды. Монтт билікте болған кезеңде әскерилер мен солшыл көтерілісшілер арасында соғыс жүрген еді. Риос Монтт өзіне тағылған айыпты жоққа шығарады. http://www.today.kz/kz/news/science/2013-05-21/41187 Бұл мәліметті бүгiн ҚР Парламент Мәжiлiсiнiң Әлеуметтiк-мәдени даму комитетiнiң кеңейтiлген отырысы барысында ҚР Бiлiм және ғылым министрлiгiнiң жауапты хатшысы Әлия Ғалымова жария етті Tue, 21 May 2013 14:05:00 +0600 Бұл мәліметті бүгiн ҚР Парламент Мәжiлiсiнiң Әлеуметтiк-мәдени даму комитетiнiң кеңейтiлген отырысы барысында ҚР Бiлiм және ғылым министрлiгiнiң жауапты хатшысы Әлия Ғалымова жария етті. «Еліміздегі 104 жоғарғы оқу орнындарының жатақханаларында 70 мыңнан астам студент тұрып жатыр. Алайда тағы да 58 мың студенттi жатақханамен қамтылу қажет», - дедi Ә.Ғалымова. БҒМ жауапты хатшысының айтуынша, аталған көрсеткiштiң 80%-ы мемлекеттiк жоғарғы оқу орындарына тиесiлi. «Өткен жылы Алматы және Астана қалаларында 2 студенттiк қалашықтың техникалық-экономикалық негiздемесiнiң жасалуына қаржы бөлiнген болатын. Сонымен қатар, 11 жатақхана құрылысы басталды. Басымдық мемлекеттiк ЖОО-на танытылып отыр, дегенмен бiз жеке ЖОО студеттерiнiң қажеттiлiктерiн де ескердiк. Жекеменшiк ЖОО жатақханалары бар және жаңадан да салынып жатыр, дегенмен бұл жұмыстың жүргiзiлу қарқынына көңiлiмiз толмайды» деп атап өтті жауапты хатшы. « Мемлекеттiк жоғарғы оқу орындарына республикалық бюджеттен қолдау көрсетiп жатырмыз», - деп толықтыра кетті Ә.Ғалымова. Оның айтуына қарағанда  айтуынша, Астана мен Алматы қалаларында салынатын студенттiк қалашықтарда әр түрлi ЖОО студенттерi тұратын болмақ.   bnews.kz сайтынан http://www.today.kz/kz/news/life/2013-05-21/41186 Қазақстандық гомосексуалист отан алдындағы борышын өтемес үшін ҚР Қорғаныс министрінің блогына хат жазды. Tue, 21 May 2013 13:49:00 +0600 Қазақстандық гомосексуалист отан алдындағы борышын өтемес үшін ҚР Қорғаныс министрінің блогына хат жазды. «Мен қызтекемін және отан алдындағы борышымды өтегім келмейді. Өйткені, менде еркектік мінез пен қасиет жоқ. Егер мұны әскердегі қаруластарым біліп қойса мені өлтіретіні анық. Біздің қоғам өкінішке қарай, табиғаттың мұндай «сыйын» қабылдамайды. Жуырда басылымдардың бірінен оқып қалғаным, министрлердің бірі гомомсексуалистерге әскер қатарында орын жоқ, отанды нағыз еркектер қорғау керек дегенді айтты. Ал, екіншісі мұндай сылтаумен ер азаматтардың көпшлігі әскерге бармай қалуы мүмкін деген пікірін білдірді. Сонда гомосексуалистер қайтпек? Әскер орнына оларды өзге қоғамдық жұмыстарға тарту керек деп ойлаймын. Нәзік жанды еркектердің орны әскерде емес» дейді өмірлік бағытынан айрылған қызтеке жігіт. Министр болса мұндай бағыттағы «жігіттердің» әскерге онсыз да шақырылмайтындығын мәлімдеп отыр. Шенеунік мұны патологиялық аурумен байланыстырып отыр. Ал, Денсаулық сақтау министрі Салидат Қайырбекованың айтуынша, отандық медицина гомосексуализмді ауру деп есептемейді екен. http://www.today.kz/kz/news/kazakhstan/2013-05-21/41185 Қазақстанда шілде айында республикалық маңыздағы үш автокөлік жолына күрделі жөндеу жүргізіледі. Бұл туралы Үкімет отырысында айтылды. Tue, 21 May 2013 13:36:00 +0600  Қазақстанда шілде айында республикалық маңыздағы үш автокөлік жолына күрделі жөндеу жүргізіледі. Бұл туралы Үкімет отырысында айтылды. «Шілде айынан бастап Мемлекет басшысының тапсырмасы бойынша, Орталық-Оңтүстік, Орталық-Батыс, Орталық-Шығыс бағыттарындағы автожол жөнделеді. Атап айтқанда Астана-Павлодар, Астана-Теміртау, Алматы-Қапшағай», деп мәлімдеді ҚР Көлік және коммуникациялар министрі Асқар Жұмағалиев. Бұдан басқа, оның айтуынша, Орталық-Шығыс бағытындағы Қалбақтау-Сібір, Орталық-Батыс бағытындағы Бейнеу-Шетпе автожолдарының жөндеулері жалғастырылады. Бүгінгі күнге дейін Батыс Еуропа-Батыс Қытай жобасы бойынша 915 шақырым жол салынды, ал 806 шақырымы осы жылдың соңына дейін ашылып бітпек. http://www.today.kz/kz/news/incident/2013-05-21/41184 Дарынды балаларға арналған С.Сейфуллин атындағы №11 облыстық мектеп-интернаты кешенінен сегіз оқушы улану белгілерімен облыстық жұқпалы аурулар ауруханасына түсті. Tue, 21 May 2013 13:21:00 +0600 Дарынды балаларға арналған С.Сейфуллин атындағы №11 облыстық мектеп-интернаты кешенінен сегіз оқушы улану белгілерімен облыстық жұқпалы аурулар ауруханасына түсті. Аурухананың бас дәрігері Бекет Бадашевтің айтуынша, 18 мамыр күні интернаттан дене қызуының көтерілуі, лоқсу, іш өту белгілерімен төрт ер бала, бір күннен кейін екі қыз бен тағы екі ер бала жеткізілген. Олардың бәрі де - 11-ден 16 жасқа дейінгі балалар. Жағдайы орта дәрежемен түскен оқушыларға медициналық жәрдем көрсетілген. Аурудың нақты себебін санитарлық-эпидемиологиялық сала мамандары анықтамақ. Қазір балалардың жағдайы қанағаттанарлық. http://www.today.kz/kz/news/incident/2013-05-21/41183  Қаржы полициясы агенттігі Астанада 1 мың АҚШ доллары көлемінде пара алу үстінде Индустрия және жаңа технологиялар министрлігінің Мемлекеттік энергетикалық қадағалау және бақылау комитетінің бас сарапшысын ұстады деп хабарлайды сейсенбіде экономикалық қылмысқа және сыбайлас жемқорлыққа қарсы күрес агенттігінің баспасөз қызметі. Tue, 21 May 2013 13:06:00 +0600  Қаржы полициясы агенттігі Астанада 1 мың АҚШ доллары көлемінде пара алу үстінде Индустрия және жаңа технологиялар министрлігінің Мемлекеттік энергетикалық қадағалау және бақылау комитетінің бас сарапшысын ұстады деп хабарлайды сейсенбіде экономикалық қылмысқа және сыбайлас жемқорлыққа қарсы күрес агенттігінің баспасөз қызметі. Ведомствоның мәліметінше, ағымдағы жылғы 8 мамырда Қаржы полициясы агенттігі Астана қаласының дәмханаларының бірінде коммерциялық ұйым өкілінен Энергетикалық сараптаманы жасауға аккредитациялау туралы куәлігін беруді тездету үшін 1 мың АҚШ доллары көлемінде пара алу үстінде Индустрия және жаңа технологиялар министрлігінің Мемлекеттік энергетикалық қадағалау және бақылау комитетінің бас сарапшысы Ж. Көшкінбаевты ұстады. Осы күні аталған тұлғаға қатысты пара алу фактісі бойынша қылмыстық іс қозғалды. http://www.today.kz/kz/news/world/2013-05-21/41182 Комитеттің ақпараты бойынша, күдіктілердің үшеуі де - орыстар Tue, 21 May 2013 12:53:00 +0600 Ресейдің терроризммен күрес комитеті Мәскеуде "жасалмақ болған терактінің" алдын алғаны туралы хабарлады. Ресми орган таратқан мәлімдемеге қарағанда, арнайы қызмет өкілдері мен теракті жасауды жоспарлады деген күдікті топтың арасында Мәскеу түбінде атыс болған. Екі күдікті оққа ұшып, тағы бірі қолға түскен. Қауіпсіздік күштерінің бір қызметкері жараланған. Комитеттің ақпараты бойынша, күдіктілердің үшеуі де - орыстар. Олар Пәкістан-Ауғанстан шекарасында арнайы дайындықтан өтті деген болжам бар. Кремльдің баспасөз хатшысы Дмитрий Песков президент Владимир Путин бұл жайдан хабардар екенін айтады. Мәскеуде теракті соңғы рет 2011 жылдың қаңтарында халықаралық "Домодедово" әуежайында болған еді. Жанкешті әуежайда өз-өзін жарып жіберіп, 37 адам қаза тапқан. http://www.today.kz/kz/news/incident/2013-05-21/41181 Алматылық әйел 16 жасар қызымды зорламақ болды деген шағыммен полицияға хабарласқан. Оның айтуына қарағанда, өгей әкесі бұл әрекетін жүзеге асыруға бірнеше рет оқталған көрінеді, - деп хабарлайды Алматы облысы ІІД баспасөз қызметі.  Tue, 21 May 2013 12:40:00 +0600  Алматылық әйел 16 жасар қызымды зорламақ болды деген шағыммен полицияға хабарласқан. Оның айтуына қарағанда, өгей әкесі бұл әрекетін жүзеге асыруға бірнеше рет оқталған көрінеді, - деп хабарлайды Алматы облысы ІІД баспасөз қызметі.  «Бойжеткеннің өз үйінде әкесімен бірге қалатын кездері аз болмаған көрінеді. Ал мектеп оқушысы бұл жайында шешесіне айтуға қорқып келген. Алайда, бәрін жайып салмаса, іс насырға шабатынын ұққан қыз, туыстары мен шешесіне болған жайтты баяндайды. Шағымданушы әйел жасөспірімді зорлауға қатысты нақты әрекет ретінде 9 мамырды атап көрсетеді. Өйткені, сол күні әдеттегідей өз қызымен бірге тұрып жатқан азаматтық некедегі күйеуі үйлерінде қалған екен.. - Бүгінді күдікті бірден қолға түсті. Жасаған әрекетін ішімдік ішкен күйдегі халімен байланыстырып, кінәсін толық мойындап отыр. Оның үстінен қыз зорламақ болды деген бапқа сәйкес, қылмыстық іс қозғалды, - дейді Іле аудандық ІІБ бөлім бастығының орынбасары, полиция майоры Есен Ысқақов. Полиция өкілдерінің айтуынша, он бірінші сыныпта оқитын бойжеткен психологиялық қиын жағдайға тап болған. Оған психолог маманның шұғыл кеңес көмегі қажет көрінеді.   http://www.today.kz/kz/news/kazakhstan/2013-05-21/41180 Бұл туралы бүгін Үкімет отырысында Көлік және коммуникация министрі Асқар Жұмағалиев мәлім етті. Tue, 21 May 2013 12:27:00 +0600 Республикалық маңызы бар жолдардың 21 пайызының сапасы сын көтермейді. Бұл туралы бүгін Үкімет отырысында Көлік және коммуникация министрі Асқар Жұмағалиев мәлім етті. «Қазақстандағы жолдардың қазіргі жағдайы былайша сипатталады: қазір республикалық желі бойынша 23,5 мың шақырым жол бар. Оның 79 пайызының сапасы қанағаттанарлық, қалған 21 пайызының сапасы нашар. Елді мекендер деңгейіндегі жолдардың жағдайы бұдан да жаман. Жергілікті деңгейдегі жолдардың 37 пайызының сапасы қанағаттанарлық емес, қалғанының сапасы жақсы», - деді министр Үкімет басшысы Серік Ахметовтің төрағалығымен өтіп жатқан Үкімет отырысында.   bnews.kz сайтынан http://www.today.kz/kz/news/world/2013-05-21/41179  Жақында Аспанасты елі Күншығыс елінен Окинава аралын қайтаруды талап етті Tue, 21 May 2013 12:14:00 +0600 Қытай Халық Республикасы мен Жапония арасындағы саяси ахуал жер дауына қатысты тағы бұзылайын деп тұрған сияқты. Жақында Аспанасты елі Күншығыс елінен Окинава аралын қайтаруды талап етті. Ал жапондар болса Ресейден Курил аралдарын қайтарып ала алмай жүр. Токио мен Бейжің арасындағы бітпей­тін жер дауы баяғыдан бар. Шығыс Қы­-тай теңізіндегі адам тұрмайтын Сенкаку арал­дарына қатысты былтыр күзде екі ел арасында жағдай шиеленісіп барып тоқ­таған еді. Енді Аспанасты елі Окинава аралы жайлы жапондарға сөз сала бас­тады. Қытайлық қосжұлдызды генерал Лю Юаньның мәлімдеуінше, ең ірі аралы Окинава болып табылатын Рюкю ар­хи­пе­лагы жапондықтардың қарамағына өт­кенге дейін, 1372 жылдан бастап бес жүз жылдай Қытайға салық төлеп келген. Рюкю архипелагы 1895 жылы Бейжің мен Токио соғысты тоқтату жөніндегі Симо­носек бейбіт келісіміне қол қойғаннан кейін ресми түрде жапон префектура­сына айналған. Екінші дүниежүзілік со­ғыстан кейін бұл аралдар америка­лықтар­дың қолына өтті. Вашингтон Окинаваны ресми түрде 1972 жылы жапондықтарға қайтарып берді. Енді архипелагқа бір за­мандарда қожалық еткендігін алға тартқан қытайлықтар қызыға көз тігіп отыр. Қытай ұлтшылдары Рюкю мен Окина­ваны қайтару туралы мәселені бұрын­- нан көтеріп жүрген, бірақ шенеуніктер тарапынан ешқандай сөз болған емес. Токио жүз жылдан астам уақыт билігін жүр­гізіп келген Окинаваны қайтару ту­ралы мәселені мамыр айының басында қытайлық тарихшылар Чзан Хайпэн мен Ли Гоцян көтерген болатын. Олардың жерге қатысты мәселесі елдегі беделді ба­сылымдардың бірі, Қытай компартия­сы­ның органы көтерген «Жэньминь жи­- бао» газетіне басылып шықты. Көрші­лермен арадағы жер дауы Аспанасты елі басшысының ауысуынан кейін бәсеңсиді деген пікірлер айтылған болатын, бірақ әзірге тоқтаған жоқ сияқты. «Рюкюдің Қытайдыкі екендігі туралы қазір талқыламай-ақ қоялық. Бірақ бұл аралдардың вассалдық мемлекет бол­ғаны анық. Вассалдық мемлекеттердің барлығы Қытайдыкі болып саналады деп айтып отырған жоқпын, бірақ Рюкю Жапонияныкі емес дегенді сеніммен айта аламын», дейді генерал Лю Юань «China News Service» басылымына берген сұх­батында. Сарапшылардың пікірінше, бұл та­лап­тар Бейжіңнің Сенкаку аралдарына қол жеткізу үшін жасап отырған қадам­дарының бірі. Жапония бұл аралдарға Рюкю архипелагы арқылы билігін жүр­гізеді. Сондай-ақ Аспанасты елінің Күн­шығыс елінен Рюкюді қайтаруды талап ету жөніндегі дау-дамайдың халықаралық деңгейге шығып кетуі мүмкін екендігін айтады. Өйткені Окинавада 27 мың қыз­меткерден тұратын АҚШ-тың әскери ба­засы орналасқан.